Pallabras rexistradas: 30.583

Manual de Mitoloxía Llïonesa

Tentamos dare un breve repasu al imaxinariu tradicional llïonés ensín tratare d’aprofundare nin pescudiare nela sua enxendra. Describiremos cun desenfadu cómu yé físicamente y comentaremos n’ú s’esengulve, el sou caráuter y atitú.
La mitoloxía llïonesa de perfil propiu y llariegu yé fruitu l’asimilación y evolución los imaxinarios indouropeos que las xentes llïonesas fuenun tresmitiendo durante siegros. Pur esu nun yé d’estrannare alcuentrare similitues cun personaxes mitolóxicos griegos, exipcios, persas, etc.
Ca presonax portará cunsiéu un lligazón cun tolu que queremos discontate.
Esperamos que te descobra la nuesa riquísima Mitoloxía Llïonesa.
Bibliografía: El imaginario tradicional leonés. Nicolás Bartolomé Pérez, Mitoloxía popular del Reinu de Llión. Nicolás Bartolomé Pérez, Mitos y supersticiones. José A. Balboa de Paz.

El Cuélebre

El Cuélebre.

En tol norouesti uropeu las creyencias, lliendas y mitos rellacionáos cul cultu a la sierpe són mui cosarias.

En Llión y Esturias a este ser mitolóxicu denómase-ye Cuélebre ou Sierpe mayoritariamente.

Són lliendas y mitos que xeneralmente rellacionan el sou distirminiu ou dominiación cuna entrevención de dalgunos santos de la Eigrexia Católica, comu los santos harmanos Vicente, Llourienzu y Pelayu nela llienda del Cuélebre de la Gotera-LaVid-contorna de la Montanna Central-Llión ou San Frutuosu ne La Rupiana-ElBierciu-Llión.

El Cuélebre yé la versión del ser mitolóxicu del dragón de l’antiga corona llïonesa.

Aspeutu.

Repotente y xigante sierpe dotada d’escamas talludas que ye sirven d’escudu y protéxen-ye de cualesquier arma rezumbiada.

Arrodiu.

Devesas,cuevas y enfoscadeiros fluviales. Setan ser guardianes d’ayalgas.

Caráuter.

Ser  de revesín llamargón. Las suas amagazas a puebros y xentes solu pueden ser pastramadas cuna entriega de donciellas y ganáu.

 Image

   Illustración de Mauro Sánchez

Dicen las xentes del País Llïonés que solamente las almas puras y santas pueden finare cuna sua esistencia, afincando-yes una llaza nel pescuezu o ne dalgunu de los sous gueyos.