Manual de Mitoloxía Llïonesa
Tentamos dare un breve repasu al imaxinariu tradicional llïonés ensín tratare d’aprofundare nin pescudiare nela sua enxendra. Describiremos cun desenfadu cómu yé físicamente y comentaremos n’ú s’esengulve, el sou caráuter y atitú.
La mitoloxía llïonesa de perfil propiu y llariegu yé fruitu l’asimilación y evolución los imaxinarios indouropeos que las xentes llïonesas fuenun tresmitiendo durante siegros. Pur esu nun yé d’estrannare alcuentrare similitues cun personaxes mitolóxicos griegos, exipcios, persas, etc.
Ca presonax portará cunsiéu un lligazón cun tolu que queremos discontate.
Esperamos que te descobra la nuesa riquísima Mitoloxía Llïonesa.
Bibliografía: El imaginario tradicional leonés. Nicolás Bartolomé Pérez, Mitoloxía popular del Reinu de Llión. Nicolás Bartolomé Pérez, Mitos y supersticiones. José A. Balboa de Paz.
El Tíu Xancu
El Tíu Xancu.
La tierra de Miranda (Pertual), Esturias ou’l País Llïonés comparten la connocencia d’un presonax mitolóxicu que disvïa ou esvanez la borrina.
Esti fenómenu metrolóxicu consistente ne piquennas partículas d’augua de poucu balumen en suspensión y que provocan, amás d’humedanza ne mayore o u minore grau, un amenorgamientu de la visibilidá, yera tarrecíu pulas xentes llïonesas purque facilitaban el sumiciu del ganáu nel monte ou la incultación del llobu.
Aspeutu.
Represéntase a esti presonax, el Tíu Xancu, encaballando un bestiu brancu y acompangáu d'una muyer papielluda y un chitu.
Arrodiu.
Dalgualín que’l fenómenu qu’alucha, puede apaecere en cualesquier llugar nonde preséntesela borrina.
Caráuter.
Comu disipador de la borrina y proteutor del ganáu considérase un ser benefautor. Asóciaseye al sol qu’acaba trunfando sobro las tiniebras.
Illustración Mauro Sánchez
Mueitos de los esconxuros pa invocare la esapaeción de la borrina qu’hai nelas tierras llïonesas, el Tíu Xancu, fou sustituyíu pur un santu cristianu, que xeneralmente identifíca-ye cun San Xuan, faciéndonos camentare que la enxendra d’estos esconxuros són máxicu-paganos.