Manual de Mitoloxía Llïonesa
Tentamos dare un breve repasu al imaxinariu tradicional llïonés ensín tratare d’aprofundare nin pescudiare nela sua enxendra. Describiremos cun desenfadu cómu yé físicamente y comentaremos n’ú s’esengulve, el sou caráuter y atitú.
La mitoloxía llïonesa de perfil propiu y llariegu yé fruitu l’asimilación y evolución los imaxinarios indouropeos que las xentes llïonesas fuenun tresmitiendo durante siegros. Pur esu nun yé d’estrannare alcuentrare similitues cun personaxes mitolóxicos griegos, exipcios, persas, etc.
Ca presonax portará cunsiéu un lligazón cun tolu que queremos discontate.
Esperamos que te descobra la nuesa riquísima Mitoloxía Llïonesa.
Bibliografía: El imaginario tradicional leonés. Nicolás Bartolomé Pérez, Mitoloxía popular del Reinu de Llión. Nicolás Bartolomé Pérez, Mitos y supersticiones. José A. Balboa de Paz.
Los Xanines
Los Xanines.
Són duendos consideraos comu una variante ou de parentescu mui cercanu al Trasgu; si bien ensín el rasgu físicu dalu específicu comu la manu furada del amentáu Trasgu.
Outra desemenyanza yé l’ambetu nel que s’enguelve’l Xanín, devesas cercanas a caminos rurales frente a los domésticos del Trasgu.
En mueitas contornas del país llïonés, hai la creyencia de que los Xanines són fillos de Xanas cun homanos.
Aspeutu.
Són rapaces duendos cun aspeutu homanu de pequenna estatura.
Arrodiu.
Apaecen nelos caminos poucu transitaos, cercanos a las devesas y matizales n’ú pestícanse.
Caráuter.
Són tretas, rabisqueiros, amantes de las gayolas y morandainas. Cunos sous dominios máxicos,dalgunas de las suas morandainas ou moflas pueden llegare a sere daqué cansonas.
Illustración de Mauro Sánchez
Dicen las xentes del país llïonés que las suas vítimas preferidas són los treseúntes foriatos que desconnocen la sua esistencia, siendo, pur eillu, más fáciles d’espavorecere ou moflare.