PALLABREIRU LLÏONÉS
Pallabras rexistradas: 30.845
https://www.pallabreirulliones.com/traductor/frases_celebres?idioma=leones

Fonoteca

Hai cantares que forman parte de la nuesa alcurdanza.
Dalgunas d’eillas pescanciamos refusamente lu que dicen purquei las suas lletras tán escritas nuna llingua que desconnocemos.
Visionandu’l vídiu podrás vere sutituladas las lletras de los cantares en llïonés.
Trátase d’una torna llibre, dandu prioridá al xeitu la lletra frente a la torna lliteral y ensín riparare la métrica nin la rima.

Fonoteca

Pínfora (Zorra)

Singing in the rain

Amado mío, Hilda (1946). Dirixida pur Charles Vidor. protagonizada pur Rita Hayworth y Glenn Ford. / Gilda (1946). Dirigida por Charles Vidor. protagonizada por Rita Hayworth y Glenn Ford.

Boyfriend. Ariana Grande & Social House

The Best. Tina Turner. Cantar escribíu pur Mike Chapman y Holly Knight pa la cantante galesa Bonnie Tyler. Posteriormente fou versionada pur Tina Turner nel 1989. Clisante yé'l solu de sasofón entrepretáu pur Edgar Winter. Vídiu del recital en Wenbley Stadium nel annu 2000.

La flauta máxica. Aria: La reina de la nueite. Mozart. Sopranu: Diana Damrau.

E lucevan le stelle, Tosca. Tenor Jonas Kaufmann

La donna è mobile , Rigoletto de Giuseppe Verdi 1850. Tenor Vittorio Grigòlo

Va pensiero, Nabucco de Verdi

Nessun dorma, Turandot . Puccini. Jonas Kaufmann tenor

Votre toast, je peux vous le rendre ( El cantar del Toreador). Carmen. Kostas Smoriginas.

Mon coeur s'ouvre à ta voix, Samson et Dalila, de Camille Saint-Sans. Elina Garanca mezzosopranu.

I wana be loved by you

West side story. 1961. Película ispirada nela oubra de teatru Romeu y Xulieta de W. Shakespeare. Mósica componnía pur Leonard Berstein. Nominada a 11 premios Óscar, gannandu 10 y consigiendu, asina, el récor de victorias pa una película mosical.

Get happy, Judie Garland. Cantar de la película mosical "Summer stock" de 1950. Lletra de Ted Koehler y mósica de Harold Arlem. Faz referencia a los típicos cantares de la Eigrexa Evaxélica.

I want to be free. Queen. Publicáu nel 1984. Ta incluyíu nel álbum "The works". El vidiu del cantar yé unu de los más alcordáos de Queen. Estruturáu en duas partes. N'una parodian una telenovela británica de la dómina y nela outra inclúyese una composición nela que participa'l Royal Ballet de Londres. El vidiu fou censuráu nelos Estáos Uníos ata'l 1991.

Boyfriend, Selena Gomez. Cantar perteneciente al álbum "Rare" del annu 2020.

Resistiré, Dúo Dinámico. 1988. Homenax y reconnocencia a toos aqueillos que velan pula nuesa salú, aseguranza y garantizan los asistimientos esenciales. Gracias al presonal sanitariu, cuerpos d'aseguranzas, asistimientos de llimpieza y abastecimientu.

The other side. Sza & Justin Timberlake. Vídiu del cantar del xéneru discu-pop espublicáu'l febreiru y 26, 2020 comu cenciellu prencipal del álbum "Trolls world tour" de la banda sonora de la película d'animación "Dream works trolls world tour" ú Justin Timberlake pon la sua voz al personax de Branch.

Haunt you, Social House. Dúu pop de Pensilvania, Estaos Uníos. Emprencipionun a escribire cantares pa outros artistas comu Meghan Trainor, Ariana Grande, Jennifer Lopez, Chris Brown y Steve Malcom. Haunt you (2019) ye un'amuesa del sou talentu mosical.

Together again, Janet Jackson. Cantar incluyíu nel álbum "The velvet rope" de 1997. Xéneru mosical: Dance-pop. Esti cantar yé un homenax a los collacios de Jackson que padecienun el SIDA. Nun entamu el cantar fou escribíu comu una balada peru los propios collacios de la Janet quisienun un cantar gallaspeiru y non un acontecíu. Filmónunse dos vidios. Esta versión que veredes fou denomada palos premios MTV Video Music Awards del 1998 nel bandu meyore vidiu beillable.

Grease.Comedia romántica y mosical del 1978. La película fou un rotundu ésitu y afitóu la carreira de los dos protagonistas, John Travolta y Olivia Newton-John. L'argumentu xira alreol d'una hestoria d'amor intre el cerunnu Danny Zuko (John Travolta) y la parvulina Sandy Olsson ( Olivia Newton-John). Escuitemos un de los cantares de la película "You're the one that I want ( Tu yés a quien you quieru) sutituláu en llingua llïonesa.

I will survive. Gloria Gaynor. Símbolu de la mósica discu. Espublicada nel annu 1978. Entrepretada pur Gloria Glaynor. La lletra escrita pur Freddie Perren y Dino Fekaris reafirma l'emponderamientu femenín que mueitas muyeres de la dómina convertienun n'hinu d'una xeneración atufeda, atrivida y ensín paúras.

Close to you. The Carpenters. The Carpenters fou un dúu vocal y estrumental californianu formáu pulos harmanos Karen y Richard Carpenter. La sua esistóusa carreira finóu pula sutrucada muerte de Karen Carpenter a los 32 annos. "Close to you" fou el tercer trabayu d'estudiu pregáu nel 1969 y espublicáu al annu sigiente. El cantar "Close to you" yé un nidio esponente del xéneru mosical "easy listening" carauterizáu pur tenere melodías apegadizas y relaxadas cun armonizaciones y estrumentalización cenciellas. Escuitémosla nuna pregación del 1970 sustitulada en llïonés.

Summertime. Ella Fitzgerald. Yé un'aria de la ópera Porgy & Bess de 1935. Fou rápidamente adoutada y adautada comu estándar de jazz. Ta intre los cantares más versionáos del siegru XX. Ella Jane Fitzgerald ta considerada comu una de las cantantes más emportantes y enfluyentes de la hestoria del jazz. Vos presentamos la sua versión pregada en 1968 sutitulada en llingua llïonesa.

In the ghetto (1969). Elvis Aaron Presley. Tupelo (Mississippi) 1935. Consideráu comu'l rei del Rock and Roll . Cantar escritu pur Mac Davis. Orixinariamente titulada " The vicious circle". Axeitada: Rock-Gospel. Tare al tientu cuna lletra.

Only you, The Platters. Bandu mosical de Los Ánxeles, California de rhythm and blues y Doo Wop componníu pur cincu cantantes ( cuatru homes y una muyer ). Nel 1953 escomencipionun comu un bandu voucal ensín rellevancia dala, ata l'apaición de Buck Ram, mentor,xerente, produtor, escritor y mayestru voucal. Las suas lletras románticas, l'abanicu sonoru de los cantantes y la sennoranza emocional del voucalista Tony Willians catapultonun al bandu a l'ésitu. Unu deillos yé Only you del 1955, cantar sutituláu en llingua llïonesa.

Aurrera Altsasu. Cantar en euskara que dalgunos artistas vascos dedican a los ouchu chigitos d'Altsasu acusáos de terrorrismu pur una fracatúa noturna cun dos guardias ceviles afora d'asistimientu. Els sous entrépretes son Evaristo Páramos (es de la Polla Records), Enrrique Villarreal ( El drogas, voz de Barricada), Aiora Rentería (Zea Mays), Eñaut Elorrieta (Ken Zazpi), Fernando Sapo (Estricalla), JuanRa (Kop) ou los bertsolaris Amaia Amuriza y Julio Soto. LLetra de Jon Maia y mósica de Pello Reparaz.

Jingle bells. Michael Bublé & Puppini sisters. Yé un de los cantares tradicionales d'Hibiernu más connocíos del mundu. James Pierpont compuxu Jingle bells baixu'l títulu de " The one horse open sleigh" y espublicada nela ciudá de Boston nel 1857. Nun yé, esautamente, un cartar de Nadal magar ta mui lligáu a las festas nadaliegas.

Fado Laranjeira. Marta Pereira da Costa / Camané. El Fado ye l'espresión más connocida de la mósica pertugesa. Cantáu, xeneralmente pur una presona, los suos temas prencipales básanse nela sennardá, mirrina ou nelas piquennas hestorias de los barrios homildes tinníos de cierta fatalidá y fustración. La gitarra pertugesa de douce varazas ye l'istrumentu prencipal del Fado. Vos presentamos el Fado laranjeira sutituláu en llingua llïonesa cantáu pur Camané y acompangáu pula gitarra pertugesa de Marta Pereira da Costa.

Non, je ne regrette rien. Édith Piaf. La mósica francesa del siegruXX nun se pescanciaría ensín Édith Piaf. D'Intre toos los cantares de la Môme Piaf espuntiamos el cantar Non, je ne regrette rien del annu 1960, sutitulada en llingua llïonesa. Ye, seiqué, unu de los sones más fermousos pula sua estrutura nela que s'enfatiza la cabeira sílaba de ca versu.

Bambola. Patty Pravo. El cantar italianu. Nelas décadas 60 y 70, la mósica italiana fou pericuta en uropa. Na primeira década l'esitu allegóu a base de sones, de cantares románticos. Sellecionamos un cantar emblemáticu, "Bambola", entrepretada pur Patty Pravo, iconu de tresgresión y d'eterna rabicuda del cantar italianu. Vos presentamos, pues, una grabación del 1968 feicha pula RAI, d'esti cantar, "Bambola" sutituláu en llingua llïonesa.

Paraules d'amor. Joan Manuel Serrat. Paraules d'amor. Joan Manuel Serrat. La nova cançó ye'l nome d'una movición artística y mosical catalana que nel franquismu impulsóu la reivindicación del usu normal de la llingua catalana nel mundu de los cantares al empar que denunciaba las inxosticias de la ditadura franquista. Sutitulamos en llingua llïonesa "Paraules d'amor", de Joan Manuel Serrat, nuna grabación de la Televisión Hespannola nel 1968.

Abba greates hits. Perpetuum Jazzile. La voz homana yé considerada l'istrumentu más perfeutu y versátil. La mósica a cappella yé aqueilla ensín acompangamiento istrumental. El bandu esloveniu Perpetuum Jazzile preséntanos a cappella los grandes ésitos d'Abba. Nel sigiente lligazón podrédeslu sentire sutituláu ne llingua llïonesa.

L'Habanera, aria de Carmen de Georges Bizet. L'Ópera ye un xéneru de mósica tiatral nela que l'aición escénica tien un acompangamientu istrumental y vocal. Sutitulamos en llingua llïonesa una parte de l'Habanera, aria mui connocida de l'ópera Carmen de Georges Bizet, componnida nel 1875 y entrepretada pula mezzosopranu Anna Caterina Antonacci.

Too much heaven. The Bee Gees. Mósica Discu. Ye un xéneru de mósica de beille que se popularizóu nelas discutecas nela segunda metá los 70. Ritmos repititivos y apegadizos, ca poucu infusáos de ritmos llatinos son los suos rasgos carauterísticos. Unu de los másimos esponentes son The Bee Gees. " Too much heaven" ye un cantar de mósica discu pa beillare llentu. Presentámosvosla sutitulada en llingua llïonesa.

Let's twist again. Chubbi Chercker. El Twist ye un beille basáu nel Rock and Roll, mui popular na década los 50. Cun ou ensín parexa, esti beille fou popularizáu pur Chubby Checker. La movición prencipal ye xirare'l cadril de xeitu acontinuu y enérxicu, calteniendu los carcannales alzáos y esplazánduse alantre, atrás, embaixu y a los lláos. "Let's twist again" ye un cantar perfeutu pa beillare un Twist. Eiquí lu tenedes sutituáu en llingua llïonesa.

Papa's got a brand new bag. James Brown. El Soul ye un xéneru mosical que remanece nelos Estáos Uníos de la fusión del Góspel y el Rhythm and Blues. El Soul clásicu carauterízase pulos ritmos al xeitu del Rock y revilvantes xeitos de metales. Xeneralmente utiliza, comu estrumentos, la guitarra, el baixu elétricu, la batería y la propia voz. James Brown ye consideráu el padrí del Soul. "Papa's got a brand new bag" (1965) ye una muesa de tou eillu. Presentámosla sutitulada en llingua llïonesa.

Usted. Beatriz Gimeno. Bolero. El bolero ye un xéneru mosical d'enxendra cubana que xurdióu nel siegru XIX, preferentemente de temática romántica. "Usted" ye un d'éillos. Lletra del pueta y compositor mexicanu José Antonio Zorrilla Martínez (Monis) y mósica, del tamién mexicanu, Gabriel Ruiz Galindo. La versión que podedes escuitare eiquí ye una mui poucu cosaria, ta entrepretada pula cantante llírica Beatriz Moreno i sutitulada en llingua llïonesa.

Mercy. Brett Young. Country. Country ye un xéneru mosical de las fasteiras surennas de los Estáos Uníos y marítimas de Canadá y Australia acullá pula década annos 20. Naz de la mósica folcklórica dalgunos países europeos y outros xéneros mosicales comu'l Blues, Góspel, etc. Escuitái una guapa balada country, Mercy (pietá) de Brett Young sutitulada en llingua llïonesa.

Favor. Kirk Franklin. Góspel ye un xéneru mosical carauterizáu pul usu la percusión y l'armonía mui trabayadas. Los coros y el beille son fundamientales nel Góspel. Los esperituales nnegros evolucionun en Góspel al incorporare una estrumentalización y armonización más sofisticadas. Escuitemos, sutituláu en llingua llïonesa, el cantar F.avor (Gracia) de Kirk Franklin. Na pistanna "LLetras" del vidiu atouparéu las lletras en VO, Llïonés y Castellán.

Smells like teen spirit. Nirvana. De la mesticha de Blues, Country, Rhythm and blues, Western, Jazz, Boogie-woogie, Jumb Blues, Folck, Swuing y Góspel nnace E Rock and Roll, acullá la década de los 50. El bandu Nirvana 1987-19994 ye consideráu comu símbolu d'una xeneración. Nel sou álbum Nevermind (1991) estrayemos el cantar Smells like teen spirit y ufiertámostelu sutituláu en llingua llïonesa.

Call out my name. Weeknd. Rhythm & blues ye un xéneru mosical afroamericanu nnacíu nela década los annos 40, del Blues, Jazz y Gospel. Ye considerada la enxendra del Rock and Roll, El R&B contemporáneu de los nuesos días entroduz soníos sintetizáos, caxas de ritmos, melismas y un acentuáu averamientu al Pop. Escuitemos Call out mu name de Weekend sutituláu en llingua llïonesa comu exemplu.

A COUPLE OF FOREVERS. CHRISETTE MICHELE. Las suas continuas referencias a los ritmos Gospel, Doo-Wop y Rhythm and blues, esti cantar, " A couple of Forevers " de Chrisette Michele podría encaixare perfeutamente nel Soul. Vos ufiertamos escueitaye ne versión vidiuclip sutitulada en llingua llïonesa. Tou un lluxu.

Summer girl. Harmanas Haim. Mósica de garax sutitulada en la llingua llïonesa. La mósica garax ye una evolución del soníu discu de moda nelos 70 y que cuasi siempres alcontraba l'empate de las voces prietas y jazz cuna base beillable. L'exendra del sou nome proviene de la discoteca Paradise Garage. Un exemplu d'eillu ye'l cantar Chigita de branu ( Summer girl ) de las harmanas Haim. Pededes alcuentrare nela pistanna de "Lletras" las lletras en llingua llïonesa, VO angalesa y castellana.

Fuck, I'm lonely. Lauv& Anne-Marie.

I.F.L.Y. de Bazzi

Cross me. Ed Sheeran & PnB Rock

Meghan Trainor All about the bass

Easier, 5 seconds of summer

Barefoot in the park. Rosalía & James Blake

Low Key. Ally Brooke & Tyga

Late night feelings. Mark Ronson & Lykke Li

Lips don't lie. Ally Brooke & A Boogie Wit Da Hoodie.

Feels like summer. Childish Gambino

Exhale, Sabrina Carpenter

Don't worry 'bout me, Zara Larsson

A whole new world, Zayn & Zhavia Ward

Medellín, Madonna & Maluba

Goals, Anitta

Heard it all before, Dinah jane

Mi persona favorita, Alejandro Sanz y Camila Cabello

Greatest love, Ciara

Say my name, David Guetta & Bebe Rexha

Idol, BTS

L'Habana, Camila Cabello

Sugar, Maroon 5

Please me. Cardi B & Bruno Mars

Bury a friend. Billie Eilish.

Zedd & Katy Perry

7 Rings. Ariana Grande

First Time. Liam Payne & French Montana

Dancing with a stranger. Sam Smith, Normani

GFTO. Mariah Carey

Run the word