“Reflesionariu”

“Reflesionariu” ye una pallabra inventada que nos propon reflesionare partiendu la lleutura dalgunas frases que chegonun a los nuesos dias pur desemeyantes motivos.
Nun tenemos utilizáu nenguna triba de filtriu nela sua selleición y pur ende el sou conteníu nun identifícase menesterousamente cun nos.
El nuesu propósitu amás d’intentare contribuyire al usu y connocimientu la llingua llïonesa de las tres pruvíncias del país, ye dare a connocere un pensamientu dalgú illustre presonax.

Jonathan Swift. Dublín, Irlanda 1667, + Dublín, Irlanda 1745. Escritor satíricu. La sua oubra más connocida yé Los viaxes de Gulliver.

Axualá vivas tolos días de la tua vida.

Sir Francis Bacon. Strand, Londres 1561 +Highgate, Middlesex 1626. Filásofu, políticu, alvogáu y escritor angalés. Pai del empirismu filasóficu y científicu.

Los cuartos són comu'l cuchu: nun són bonos a nun sere que s'espardan.

Susan Sontag. New york 1933 + New York 2004. Escritora, direutora de cine, gionista, autora y mayestra.

Nun ta mal sere guapa, lu que ta mal yé l'oubrigración de selu.

Esopu: Mesembría (Bulgaria). 600 ec + Delfos 564 ec. Fabulista de l'antiga Grecia. Dalgunas de las más connocidas fábulas son: "La raposa y las uvas", La lliebre y la tortuga", "La chicharra y la formiga".

Las pallabras que nun van segidas de feichos nun valen cousa denguna.

Epictetus. Hierápolis 55 + Nicópolis 135.Filásofu de la escuela estoica. Fou, gran parte de la sua vida, sumerxíu en Roma.

La verdá trunfa pur sí miesma, la fula precisa siempres cumplicidá.

Paul Charles Bourget. Amiens 1852 + París 1935. Escritor, novelista prolíficu, dramaturgu y ensayista.

Hai que vivire comu camiéntase, sinon se fina pur camentare comu vivióuse.

Albert Einstein. Ulm (Alemania) 1879 + New Jersey (Estaos Uníos) 1955. Físicu alemán d'enxendra xudiga, nacionalizáu dimpués suizu, austriacu y estaunidense.

Nelos momentos de crisis, solu la imaxinación yé más emportante que la conocencia.

Richard Steele. 1672-1729. Escritor y políticu irlandés.

La lleutura ye a la entelexencia lu que l'exerciciu ye al cuerpu.

K'ung-Fu-Tzu, Confuciu. 551 ec Zou, China + 479 ec qufu, China. Fou un connocíu pensador chinu cuya dotrina recibe'l nome de confucionismu.

Dalgún dineiru avite esmolezas; mueitu atraye-yes.

Thomas Alba Edison. Milan, Ohio 1847 + West Orange, New Jersey. Inventor prolíficu que rexistróu más de 1093 pisos. Ye connocíu comu inventor del fonógrafu y la llámpara incandesciente.

Una esperencia enxamás yé un falcoirazu, pues siempres viene a demostrare daqué.

Antoine Jean-Baptiste Marie Roger de Sant-Exupéry. Lyon 1900, esapaeción 1944. Aviador, pueta, novelista, ensayista, escritor y periodista.

Unu yé pa siempres responsable de lu que amansia.

Baldasarre Castiglione. 1478 Casatico, Italia + 1529 Toledo. Nobre cortesanu diplomáticu y escritor.

Perdonandu demayáu al qu'esgarra cométese inxosticia cul que nun esgarra.

Louis Charles Alfred de Musset. París 1810 + París 1857. Escritor y dramaturgu francés del Romanticismu.

Nun hai auténticu xeniu ensín somecha.

Albert Einstein. Ulm (alemania) 1879 + New Jersey (Estaos Uníos) 1955. Físicu alemán d'enxendra xudiga, nacionalizáu dimpués suizu, austriacu y estaunidense.

Nun piensu enxamás nel futuru purque allega mui priestu.

Agostín d'Hipona. Tagaste (autual Arxelia) 354 dc + Hipona (autual Arxelia) 430 dc. Pai y dotor de l'Eigrexia católica. Fou'l másimu pensador del cristianismu del primer mileniu.

Los que nun quieren sere vencíos pula verdá, son vencíos pula falancia.

Lao-Tse. La sua esistencia hestórica entavía disúrdese. La tradición china establez que vivíu nel siegru VI ec.

Las pallabras fitas nun son sinceras, las pallabras sinceras nun son fitas.

Inmanuel Kant. Königsberg (Prusia ) + Königsberg 1804 ( Prusia ). Filásofu de la Illustración. Precursor del ideyalismu alemán.

El xennu ye la cordovena del enronnáu y la reconcomina, la flaquera del fuerte.

Napoleón Bonaparte. Ajaccio 1769 + Santa Lena 1821. Militar y estadista francés, xeneral republicanu, cónsul, proteutor de la Confederación del Rhin, Co-príncipe d'Andorra, rei d'Italia y emperador de los franceses.

La vitoria pertenez al más acontinuante.

Leonardo di ser Piero da Vinci. Anchiano ( República de Florencia ) + Amboise ( Francia ) 1519. Polímata de la Rennacencia italiana. Pintor, anatomista, arquiteutu, paleontólogu, botánicu, filásofu, inventor...

La guapura precez na vida, peru ye inmortal nel arte.

Ludwin van Beethoven. Bonn 1770 + Viena 1827. Compositor, direutor d'orquestra y pianista alemán.

L'únicu símbolu de superioridá que connozu ye la bondá.

Charles John Huffam Dickens. Landport, Angalaterra 1812 + Gads Hill Place, Angalaterra 1870. Fou un escritor y novelista angalés. La sua narrativa ye un'aguda crítica social cun ciertas dosis d'ironía y humore.

L'home enxamás sabe de lu que ye cabalente ata que lu tenta.

Sir Francis Bacon. 1561 York House + 1626 Londres. Canciller d'Algalaterra. Fou filásofu, políticu, alvogáu y escritor angalés. Pai del empiritismu filásofu y científicu.

El dineiru ye comu'l cuchu nun ye bonu a nun sere que se xiaranque.

Ralph Waldo Emerson. Boston 1803 + Concord (Massachusetts) 1882. Escritor, filásofu y pueta de los Estáos Uníos. Llíder del Trescendentalismu.

L'ésitu consiste en llograre lu que se deseya. La felecidá n'esfrutare lu que se llogra.

Miguel de Unamuno. Bilbo 1864 + Salamanca 1936. Escritor y filásofu perteneciente a la xeneración del 98.

Cuantu menos llíese, más zana faz lu que se llie.

Alfred Adler. Viena 1870 + Escocia 1937. Fundador de la sicoloxía endevidual.

Una fula nun tendría xeitu se la verdá nun fuera sintida como perigrousa.

Samuel Johnson. Lichfield 1709 + Londres 1784. Pueta, ensayista, biógrafu, llesicógrafu. Ye consideráu pur mueitos el meyore críticu lliterariu en llingua angalesa.

Las grandes oubras son feichas nun cuna fuercia, sinon cun'acontinuancia.

Hermann Hesse. 1877 Calw ( Alemania ) + 1962 Montagnola ( Suiza ). Escritor, pueta, novelista y pintor alemán.

Hai quienes considéranse perfeutos, peru ye solu purque angarian menos de sí miesmos.

Antonio Cánovas del Castillo. Málaga 1828 + Mondragón ( Gipúzcua ) 1897. Políticu y hestoriador hespannol.

L'ésitu nun da nin quita la razón a las cousas.

Herbert Ernst Karl Frahm, connocíu comu Willy Brandt. Lübeck 1913 + Unkel 1992. Políticu alemán. Canciller d'Alemania ocidental de 1969 a 1974

El futuru nun sedrà dominnáu pur aqueillos que tán engatilláos nel pasáu.

Jean Baptiste Henri Lacordaire. Recey-Sur-Ource 1802 + Sorèze 1861. Políticu, orador y relixosu francés.

El xacer ye la fuercia xorda y costante de la voluntá.

K'ung-Fu-Tzu, Confuciu. 551 ec Zou, China + 479 ec qufu, China. Fou un connocíu pensador chinu cuya dotrina recibe'l nome de confucionismu.

L'home de virtuosas pallabras nun ye siempres un home virtuosu.

Joan Lluís Vives. Valencia 1492 + Bruxas 1540. Homanista, filásofu, pedagogu, escritor y mayestru.

Nun hai cousa pur fácil que seya, que nun la faiga la morendanga abengosa.

Friedich Wilhem Nietzsche. Röcken 1844 + Weimar 1900. Filásofu, pueta, mósicu y filólogu alemán del siegru XIX.

Solasmentes aquel que costruye'l futuru tien dreitu a xulgare'l pasáu.

Thomas Alba Edison. Ohio 1847 + New Jersey 1931. Fou un empresariu y un prolíficu inventor. Desendolcóu, intre outras cousas, el fonógrafu, la cámara de cine o la bombiella incandesciente.

Que dalgú nun furrule comu tu esperabas nun quier dicire que seya morondanga.

Marco Tulio Cicerón. Arpino 106 ec + Formia 43 ec. Xurista, políticu, filásofu, escritor y orador romanu.

La verdá corrómpese tantu cuna fula comu cul silenciu.

Platón. Atenas 427 ec + Atenas 347 ec. Filásofu.

La mósica ye pa l'alma lu que la xinasia pal cuerpu.

Josh Billings. Massachusetts 1818 +Monterrey, California 1885. Seudónimu del homorista de los Estáos Uníos Henry Wheeler Shaw. Famousu escritor d'homor y mayestru durante la segunda metá del siegru XIX.

La vida consiste non en tenere bonas cartas, senón en xugar bien las que unu tien.

Jean de la Fontaine. Château-Thierry 1621 * Nevilly-sur-Seine 1695. Fou un conseyista francés, los sous cuentos y novelas tán infusáos pur Ariosto, Boccaccio, François Rabelais y Margarita de Navarra.

La somecha y el tiempu facen más que la fuercia y la violencia.

Alphonse Marie Louis Prat de Lamartine. Mâcon 1790 + Paris 1869. Escritor, pueta y políticu francés del periopdu románticu.

La crítica ye la fuercia del impotente.

David T. Kearns. Rochester, Estáos Uníos 1930 + Florida, Estáos Uníos 2011. Home de negocios, vicemenistru de crianza de EEUU.

Nela carreira pula clas nun hai llínia de meta.

Michel Eyquem de Montaigne. Castiellu de Montaigne 1533 +Castiellu de Montaigne 1592. Filásofu, escritor, homanista y moralista francés del Renacimientu.

A naide ye va mal durante mueitu tiempu ensín qu'él miesmu tenga la farda.

George Eliot, seudónimu de l'escritora ingalesa Mary Anne Evans. Nuneaton, Ingalaterra 1819 + Chelsea, Ingalaterra 1880.

El meyore fuéu nun ye'l que se prende celerín.

Benjamin Franklin. Boston 1706 + Filadelfia 1790. Fue un políticu, polímata, inventor y científico, Ye consideráu unu de los pais fundadores de los Estáos Uníos.

Apoupa los piquennos gastos, un piquennu furacu funde un barcu.

Sigmund Freud. Príbor ( República Checa) 1856 + Hampstead, Londres 1939. Médicu neurólogu d'enxendra xudía. Pai del sicoanalís y una de las mayores feguras inteleutuales del siegru XX.

Unu ye dóminu de lu que chista y sumerxíu de lu que fala.

William Shakespeare. Stratford-upon-Avon 1564 + Stratford-upon-Avon,1616. Dramaturgo, poeta y autor.

Ten más de lu qu'amosas; fala menos de lu que sabes.

Benjamin Franklin. Boston 1706 + Filadelfia 1790. Fue un políticu, polímata, inventor y científico, Ye consideráu unu de los pais fundadores de los Estáos Uníos.

Se quieres connocere el valir del dineiru, trata de pidilu emprestáu.

François de la Rochefoucauld. París 1613 + París 1680. Militar, escritor, aristócrata. Caballeiru Orde San Micael, Caballeiru Orde Espéritu Santu.

Se tuviéramos abonda voluntá cuasi siempres tendríamos abondos medios.

Miguel de Cervantes Saavedra. Alcalá d'Henares 1547 + Madrid 1616. Novelista, pueta, dramaturgo y soldáu. Fegura cenbria de la lliteratura Hespannola.

Sé breve nelos tuos concordamientos que dengún hai gustante se ye llargu.

Winston Leonard Spencer Churchill. Woodstock 1874 + Londres 1965. Políticu, militar y escritor británicu. Primer menistru'l Reinu Uníu durante la Segunda Gerra Mundial. Premiu Nobel Lliteratura 1953

Las atitudes son más emportantes que las autitudes.

Denis Diderot. Langres (Fr.) 1713 + París 1784. Fou una fegura decisiva de la Illustración comu escritor, filásofu y ciclopedista francés.

Nun esterreciase nin facere tirandainas a los demás, son los pasos de la sabiduría.

Miguel de Unamuno y Jugo. Bilbao 1864 + Salamanca 1936. Escritor y filásofu perteneciente a la xeneración del 98.

Lu sabe tóu, ausolutamente tóu. Cuenta lu babayu que sedrá.

William Semerset Maugham. Embaxada británica de París 1874 + Niza 1965. Escritor británicu de novelas, ensayos, cuentos y oubras de tïatru.

La lleutura nun da al home sabiduría; daye connocimientos.

Simone Lucie Ernestine Marie Bertrand de Beauvoir, Simone de Beauvoir. París 1908 + París 1986. Escritora, mayestra y filásofa francesa feminista.

Maxa ye lu que tienen dalgunos ata qu'escomenzan a creyé-yelu.

François Salignac de la Mothe ( François Fénelon ).Sainte-Mondane, Francia 1651 +Cambrai , Francia 1715. Teólogu y obiespu católicu. Pueta y escritor.

Enxamás ye perdíu el bien que se faz.

John Fitzgerald Kennedy. Brookline, Massachusetts 1917 + Texas 1963. Trentésimu quintu presidente los Estáos Uníos.

L'ésitu tien mueitos pais, peru'l falcoirazu ye guérfanu.

Cesare Cantú. Brivio 1807 + 1895 Milano. Hestoriador y escritor italianu.

El dineiru consagráu a la beneficiencia nun tien méritu si nun representa un sacreficiu, una privación.

Alexis Henri Charles de Clérel (Alexis de Tocqueville).1805 Illa de Francia + 1859 Cannes. Pensador,xurista, políticu y hestoriador francés. Ye unu de los más emportantes idiólogos del lliberalismu.

Las sociedades deben xulgase pula sua capacidá pa facere que la xente seya feliz.

Sófocles. Colono 496 ec + Atenas 406 ec. Pueta tráxicu griegu.

El que sabe currempóndere a un favor recibíu ye un collaciu que nun tien preciu.

Aristóteles. Estaxira, reinu de Macedonia 384 ec +Calcis, reinu de Macedonia 322 ec. Reconnocíu comu'l pai fundador la lóxica y bioloxía.

El castigu del troleiru ye nun sere creyíu, ontavia cuandu diga la verdá

Henry Ford. Greenfield 1863 + Michigan 1943. Fundador la companna Ford Motor.

La mayoría las presonas esmolan más tiempu y enerxías en falare los engarnios que n'afrontalos.

Thomas Fuller. 1608 +1661. Hestoriador y miembru la eigrexia Ingalaterra. Fou capellán del rei.

Tou ye mui abangosu enantias de sere cenciellu.

Jean Baptiste Racine. La Ferté-Milón 1639 + París 1699. Dramaturgu francés. Consideráu unu de los tres grandes dramaturgos franceses del siegru XVII xuntu cun Corneille y Molière.

Mullerallu quien esfouta al purvenire.

Platón. Atenas 427 ec + Atenas 347 ec. Filásofu.

Getandu el bien de nuesos comparantes alcuentraremos el nuesu.

Eugen Ionescu. Rumanía 1909 + París 1994. Dramaturgu.

Las idioloxías axébranos, los suennos y l'angunia améstanos.

Ramón de Campoamor. Navia 1817 + Madrid 1901. Pueta del Rïalismu.

La llibertá nun consiste ne facere lu que se quiere, sinon en facere lu que se debe.

Stanislaw Jerzy Lec. Lemberg 1909 + Varsovia 1966. Escritor, pueta y aforista polacu.

El que pesquisa'l ceu nela tierra xornióuse nela clas de xeografía.

Charles-Alphonse Allais. Normandía 1854 + París 1905. Escritor, homorista y periodista francés.

Falamos d'acachinare'l tiempu comu si nun fuera'l tiempu el que nos acachina a nos.

Robert Lembke. München 1913 + München 1989. Presentador de televisión alemana.

Naide ta tan copáu comu pa nun alcuentrare tiempu pa contaye a tou'l mundu lu cupáu que tá.

John Fitzgerald Kennedy. Brookline, Massachussets 1917 + Dallas, Texas 1963.Trentésimu quintu presidente los Estáos Uníos dende 1961 ata'l sou asesinatu.

El cámbeu ye llei de vida. Cualesquiera que solu gueye al pasáu ou al presente, escabildaráse el futuru.

Confuciu ??. Chía 551 ec +Chía 479 ec. Pensador.

Angaríate mueitu a ti miesmu y espera poucu de los demás, asina aforraráste mueitas moleiciones.

Joseph Joaubert. Montignac 1754 + París 1824. Moralista y ensayista. Nun espubricóu cosa denguna en vida.

Ye meyore aldericare una custión ensín desurdila, que desurdire una custión ensín aldericare.

Paulo Coelho de Souza. Riéu de Xaneiru 1947. Escritor y novelista. Dalgunas oubras: "L'alquimista", "Once minutos", "Verónica decide morrere".

Todas las batallas nela vida sirven pa ensinnanos dalgú, aínda aqueillas qu'escabildamos.

François Marie Arouet ( Voltaire ). París 1694 + París 1778. Escritor, hestoriador, filásofu y alvogáu francés.

Las falancias nun solu s'oponen a la verdá, sinon que ca poucu escontradícense ente sí.

Thomas Fuller. Inglaterra 1608 + Inglaterra 1661. Historiador.

El bon arqueiru nun ye xulgáu pulas suas frechas, sinon pula sua puntería.

Martin Luther King. Atlanta 1929 + Memphis 1968. Pastor Eigrexia Bautista. Premiu Nobel la Paz 1964. Autivista los dereitos ceviles.

Cousa denguna esquéicese más a modín q'una outerrencia y cousa denguna más celerín q'un favor.

Winston Leonard Spencer Churchill. Woodstock 1874 + Londres 1965. Políticu, militar y escritor británicu. Primer menistru'l Reinu Uníu durante la Segunda Gerra Mundial. Premiu Nobel Lliteratura 1953

Las críticas nun serán gustables, peru son menesterousas.

Publilius Syrius. Siria 85 ec + 43 ec. Autor de mimu y escritor. Las poucas oubras conservadas son: " Sententiae" y un fatáu de másimos morales.

Tan malu ye nun creyere a naide comu creyere a toos.

Anne Robert Jacques Turgot. París 1727 + París 1781. Políticu y economista.

L'entamu la crianza ye prediquere cul exemplu.

Victor Marie Hugo. Besançon 1802 + París 1885. Pueta, dramaturgu y novelista románticu. Una de las oubras más connocidas ye: " Los miserables".

Cosa denguna ye tan palamán comu vencere, la braeira groria ta n'empuntigare.

Richard Whately. Londres 1787 + Londres 1863. Economista y teólogu ingalés.

Pierdi una houra pula manná y tarasla pesquisandu tou'l dia.

François de la Rochefoucauld. París 1613 + París 1680. Militar, escritor, aristócrata. Caballeiru Orde San Micael, Caballeiru Orde Espéritu Santu.

Establecemos regras pa los demás y esceiciones pa nosoutros.

George Bernard Shaw ( Bernard Shaw ). Portobello, Dubllin 1856 + Ingalaterra 1950. Dramaturgu, críticu y polemista. Oubras más empuntiadas: " Pygmalion " ou " Saint Joan ". Premiu Nobel de lliteratura nel 1925.

Las llacras son comu cualesquier outru trapelu nel que ye fácil cayere peru de la que ye abangousu salire.

Baltasar Gracián y Morales. Zaragoza 1601 +Tarazona 1658. Escritor del siegru d'ouru que cautivóu la prosa didáutica y la filasofía. L'oubra más espuntiada: " El llinguateru "

El primer pasu la inoranza ye fardare de sabere.

Charles Louis de Secondat, barón de Montesquieu. Brède 1689 + París 1755. Filásofu, escritor, novelista, sociólogu, xuez.

Pa sere rïalmente grande, hai que tare cula xente, nun pur enriba d'eilla.

Marie Magdalene Dietrich (Marlene Dietrich). Berlín 1901 + París 1992. Autora y cantante.

La imaxinación chufe, la razón suvalora, el terraque atolece.

Pitágoras de Samos. Samos 569 ec + Metapontu 475 ec. Filásofu y Matemáticu.

Sofita a los tuos comparantes a llevantare la sua pesga, peru nun te ripares oubrigáu a portársela.

Julio Cortázar. Bélxica 1914 +París 1984. Escritor, tornador ya inteleutual.

Cousa denguna tá escabildada si tiense el valor de plecamare que tou tá escabildáu y hai qu'escomencipiare de nnuevu.

Willian George Ward. Londres 1812 +Hampstead 1882. Teólogu católicu y matemáticu.

El pesimista quéixase el vientu, l'outimista aguarda que camude, el rïalista axusta las velas.

Alberto Pincherle ( Alberto Moravia ). 1907 Roma + 1990 Roma. Periodista, novelista, gionista, dramaturgu y políticu. Oubra más connocida: " Los Mandrágolas ".

La feicidá ye tantu mayore cuantu menos l'alvertimos.

Décimus Iunius Iuvenalis. Aquinu 60 +Roma 128. Pueta satíricu.

Las camanduladas son comu la sal: tiénense q'usare cun gran esmoleza.

Stanislaw Jerzy Lec. Lemberg 1909 +Varsovia 1966. Escritor, pueta. Famousu pulos sous aforismos.

Mueitos que adrellantáronse al sou tiempu tuvun qu'aguardaye en sitios poucu cómodos.

Burrhus Frederic Skinner. Pensilvania 1904 +Massachusetts 1990. Sicólogu, filásofu social, inventor y autor. Connocíu pul analís asperimental del comportamientu.

L'auténtico engarniu nun ye si las máquinas camientan, sinon si lu facen los homes.

Edgar Allan Poe. Boston 1809 + Maryland 1849. Escritor, pueta, críticu, periodista. Renovador novela gótica. Connocíu pulos sous cuentos de mieu.

Igual seya la propia simplicidá de la custión lu que conduznos al erru.

Pearl Confort Sydenstricker connocida comu Pearl S. Buck. Vixinia 1892 + Vermont 1973. Escritora. Premiu Nobel lliteratura 1938.

Mueitas presonas escalbídanse las piquenas allegrías lintres aguardan la gran feicidá.

Paulo Coelho de Souza. Riéu de Xaneiru 1947. Escritor y novelista. Dalgunas oubras: "L'alquimista", "Once minutos", "Verónica decide morrere".

Dalgunas vueltas hai que decidise intre una cousa a la que tase d'a doitu y outra que prestaríanos connocere.

Samuel Langhorne Clemens, Remote Mark Twain. Florida 1835 + Connecticut 1910. Escritor, homorista.Oubras más connocidas: "Las aventuras Tom Sawyer" y "Las aventuras Huchleberry Finn".

El paraísu prefiérulu pul clima, l'ifiernu pula companna.

Gustave Le Bon. Francia 1841 + 1931 Francia. Sociólogu, físicu abonáu.

Pa medrare nun ye abondu autuare, hai que sabere en qué sen autuare.

Thomas Stearns Eliot. Saint Louis Missouri 1888 +Londres 1965. Pueta, dramaturgu y críticu lliterariu. Nobel lliteratura 1948.

Solu aqueillos qu'arriésganse a dire demayáu perendayuren pueden descobrire ata ónde puédese allegare.

Rabindranath Tagore. Calcuta 1861 + Calcuta 1941. Poeta, filásofu, dramaturgu, mósicu, novelista. Nobel lliteratura 1913

Facere entrugas ye prueba de qu'albrídase.

Friedrich Wilhelm Nietzsche. Prusia 1844 + 1900 Weimer. Filásofu.

La gerra torna palamán al vencedor y enconiosu al abatanáu.

Pubilus Syrus. Siria 85 ec + 43 ec. Autor de mimu y escritor.

L'home que nun sabe amusgare tampoucu sabe falare.

Cesare Cantú. Llombardía 1804 + Milán 1895. Hestoriador, escritor y políticu.

El pan más gustable y la comodidá más prestosa son los que gánnanse cul propiu sudu.

Píndaro. Beocia? 518 ec +Argos 438 ec. Pueta llíricu.

Mueitas vueltas lu qu'amúsgase faz más impresión que lu que dizse.

Ferdinand Galiani. Chieti, Italia1728 + Nápoles 1787. Economista, diplomáticu italianu.

Al facere una fonfa reverencia a dalgien, siempres tórnase el llombu a dalgú outru.

Samuel Johnson. Ingalaterra 1709 + Londres 1784. Ensayista, pueta, biógrafu, críticu lliterariu.

Pa podere ensinnare a toos los homes a dicire la verdá ye precisu que deprendan a sentiye.

Joan Lluís Vives. Valencia 1492 + Bruxas 1540. Homanista, filásofu, pedagogu, escritor y mayestru.

Ye merondanga tua polémica si nun hai espranza que resulte proveichousa.

William Semerset Maugham. Embaxada británica de París 1874 + Niza 1965. Escritor británicu de novelas, ensayos, cuentos y oubras de tïatru.

La xente nun burea contrapuestas pa facere lu que quier facer, burea a ariguelas.

Franklin D. Roosevelt. Estáu de Nueva York 1882 + Xeorxia 1945. Trentésimusegundu presidente los Estáos Uníos.

Siempres qu'entrúgente si puedes facere un trabayu, retruca que sí y ponte desegida a depréndere cómu se faz.

Samuel Smiles, Escocia 1812 + Londres1904. Escritor consideráu el primer autor en plumiare un llibru d'autoestima.

La vida tien el sou lláu abeséu y el sou lláu brillante, de nos dipende ellexire'l que más nos preste.

William Shakespeare Stratford-upon-Avon, Engalaterra, 1564 + Stratford-upon-Avon, Engalaterra, 1616. Dramaturgu, pueta. Oubras espuntiadas: "Hamlet", "Romeu y Xulieta", "Macbeth".

Ye más fácil llograre lu que deséyase cun una sonrisa que cul cuentu la espada.

Samuel Smailes. Escocia 1812 +Londres 1904. Escritor consideráu'l primer autor en plumiare un llibru d'autoestima.

La vida tien el sou lláu abeséu y el sou lláu brillante, de nos dipende ellexire'l que más nos preste.

James Branch Cabell. Estáos Uníos 1879 + Estáos Uníos 1958. Escritor de fición y fantesía.

L'outimista plocama que vivimos nel meyore los mundos posibles, el pesimista atarrece que siga ciertu.

Dame Dafne du Maurier. Londres 1907 + Fowey (Ingalaterra) 1989. Novelista, escritora y gionista. Oubras espuntiadas: "Rebeca", "Los páxaros", " La prima Raquel ".

A vegadas asodece asina nela vida: cuandu son los caballos los que trabayonun, ye'l cocheiru que recibe la lazufre.

Agnes Gonxha Bojaxhiu (Taresa de Calcuta). Enxendra albanesa 1910 + Calcuta 1997. Canonizada nel 2016. Fundadora de las Misioneiras la Caridá de Calcuta.

Pa facere qu'una llámpara tea siempres encesa, nun debemos deixar de poneye azaite.

León Daudí. Seudónimu de Noel Clarasó i Serrat. Barcelona 1899 + Barcelona 1985. Escritor y gionista de cine y televisión.

Ye curiosu que la vida, cuantu más buéita, más pesa.

Arthur Schnitzler. Viena 1862 +Viena 1931. Médicu neurólogu, escritor. Oubras más connocidas: "Rellatu sonnáu", "La Ronda", "La sinnorina Else".

La fuercia del caráuter cun frecuencia nun ye más que floxeira de sentimentos.

Thomas Carlyle. Escocia 1795 +Londres 1881. Hestoriador, Críticu Social y Ensayista.

Siempres hai un llugar nelos cembrios pal home valiente y esforciáu.

Roger Martin du Gard. Nevilly-sur-seine 1881 +Sérigny 1958. Premiu Nobel Lliteratura nel 1937.

La vida sedría emposible si tou fuera alcordáu. El secretu tá en sabere ellexiere lu que debe esqueicese.

Hippolyte Taine. Vouziers 1828 + París 1983. Filásofu, Críticu y Hestoriador. Ye consideráu unu de los prencipales teóricos del nnatoralismu.

L'Arte ye com'una naranxal que precisa un suelu y un clima curiosu pa frorecere y apaniguare.

Jean Paul Sartre. París 1905 + París 1980. Filásofu, Mayestru, Escritor y Críticu lliterariu.

La mía llibertá fínase onde emprencipicia la de los demás.

Anónimu.

L'outimista ye una parte la rimpuesta. El pesimista ye siempres una parte l'enreboyu.

Arturo Graf. Atenas 1848 + Turín 1913. Pueta italianu de nacencia alemana.

A vegadas convien candare un gueyu, peru nun tien timotazu candare dambos a la vegada.

Joan Lluís Vives. Valencia 1492 + Bruxas 1540. Homanista, Filásofu, Pedagogu, Escritor y Mayestru.

Cuitáu l'home que nun tien quien recortinnaye cuandu tien necesidá d'eillu.

Mariu Pozo. N.Y. 1920 + Long Island 1999. Novelista y gionista. Oubras espuntiadas: "El Padrí".

El tezón d'una familia comu'l tezón d'un exércitu fúndase nela sua mutua llealtá.

Aurelius Augustinus Hipponensis (San Agostín), Tagaste 354, + Hippo Regius 430 .Pai y Dotor Eigrexia Católica. Escritor sobru Filasofía y Teoloxía. Oubras más espuntiadas: "Confisiones", "La Ciudá de Dious".

Equivoucase ye homanu, acontinuare voluntariamente nela falancia ye diannólicu.

Arturo Graf. Atenas 1848 + Turín 1913. Pueta italianu de nacencia alemana.

Pa facere política xusta y desaquerada nun bonda connocere los homes, ye menesterousu tamién amayes.