Pallabras rexistradas: 30.433

Manual de Mitoloxía Llïonesa

Tentamos dare un breve repasu al imaxinariu tradicional llïonés ensín tratare d’aprofundare nin pescudiare nela sua enxendra. Describiremos cun desenfadu cómu yé físicamente y comentaremos n’ú s’esengulve, el sou caráuter y atitú.
La mitoloxía llïonesa de perfil propiu y llariegu yé fruitu l’asimilación y evolución los imaxinarios indouropeos que las xentes llïonesas fuenun tresmitiendo durante siegros. Pur esu nun yé d’estrannare alcuentrare similitues cun personaxes mitolóxicos griegos, exipcios, persas, etc.
Ca presonax portará cunsiéu un lligazón cun tolu que queremos discontate.
Esperamos que te descobra la nuesa riquísima Mitoloxía Llïonesa.
Bibliografía: El imaginario tradicional leonés. Nicolás Bartolomé Pérez, Mitoloxía popular del Reinu de Llión. Nicolás Bartolomé Pérez, Mitos y supersticiones. José A. Balboa de Paz.

El Sumiciu

El Sumiciu.

Frases comu éstas: Paez qu’anda’l Sumiciu ou Nun sei qué Sumiciu llevan las cousas nesta casa, explican que la esapaeción d’oxetos de forma inexplicable yé debida,seique, a la presencia del Sumiciu nela casa.

Esta entidá mitolóxica yé conocía nel norete de la provincia de Llión y n’Esturies.

Aspeutu.

Poucu sábese del sou aspeutu pues yé un duendu que rara vegada déixase vere. Las xentes del País Llïonés creyen que yé de pouca estatura, d’unos 30 cm., cun barba branca y contalante gallaspeiru.

Arrodiu.

Yé un ser fogarennu y noturnu.

Caráuter.

De caráuter escarduz. Nun se deixa vere enxamás. Al llegare la nueite es cuandu escomienza la sua autividá que yé, al empar, la sua gayola: facere esapaecere las cousas.

 Image

   Illustración de Mauro Sánchez

Dicen las xentes del País Llïonés que cuandu, de forma encomprensible, escomienzan a esapaecere las cousas de la casa, mui probablemente, el Sumiciu yé’l responsable