Manual de Mitoloxía Llïonesa
Tentamos dare un breve repasu al imaxinariu tradicional llïonés ensín tratare d’aprofundare nin pescudiare nela sua enxendra. Describiremos cun desenfadu cómu yé físicamente y comentaremos n’ú s’esengulve, el sou caráuter y atitú.
La mitoloxía llïonesa de perfil propiu y llariegu yé fruitu l’asimilación y evolución los imaxinarios indouropeos que las xentes llïonesas fuenun tresmitiendo durante siegros. Pur esu nun yé d’estrannare alcuentrare similitues cun personaxes mitolóxicos griegos, exipcios, persas, etc.
Ca presonax portará cunsiéu un lligazón cun tolu que queremos discontate.
Esperamos que te descobra la nuesa riquísima Mitoloxía Llïonesa.
Bibliografía: El imaginario tradicional leonés. Nicolás Bartolomé Pérez, Mitoloxía popular del Reinu de Llión. Nicolás Bartolomé Pérez, Mitos y supersticiones. José A. Balboa de Paz.
Las Mais
Las Mais.
Estos seres acuáticos, siempres femeninos, llamáos Mais, pueden tare rellacionaos cul antigu cultu a las Matres célticas.
Las Mais xeneralmente són representadas en tríadas y espresan un caráuter maternal y abastecedor de salú, fertilidá y alimentu.
La toponimia llïonesa demuestra que’l cultu a las mais tuvu más relevancia ne Llión de la que s’aberrunta nun entamu. Un exemplu d’eillu tenémoslu nela llocalidá llïonesa de Santas Martas. Esti topónimu nun deriva del cultu a las santas cristianas llamadas Marta sinon que proviene del llatín Sancta Matra (fuenti sagrada).
Aspeutu.
Estos personaxes mitolóxicos llïoneses sétanse representare nuna tríada femenina.
Arrodiu.
Són seres rellacionaos cul augua comu símbolu de salú, fertilidá y alimentu.
Caráuter.
Magar xeneralmente són númenes benévolos, sí costatamos que nela sucontorna d’Aba-Llión nun paecen tenere un caráuter demayáu beninu, pues setan sere utilizadas pa espavorecere a los rapaces.
Illustración de Mauro Sánchez