Pallabras rexistradas: 30.510

Manual de Mitoloxía Llïonesa

Tentamos dare un breve repasu al imaxinariu tradicional llïonés ensín tratare d’aprofundare nin pescudiare nela sua enxendra. Describiremos cun desenfadu cómu yé físicamente y comentaremos n’ú s’esengulve, el sou caráuter y atitú.
La mitoloxía llïonesa de perfil propiu y llariegu yé fruitu l’asimilación y evolución los imaxinarios indouropeos que las xentes llïonesas fuenun tresmitiendo durante siegros. Pur esu nun yé d’estrannare alcuentrare similitues cun personaxes mitolóxicos griegos, exipcios, persas, etc.
Ca presonax portará cunsiéu un lligazón cun tolu que queremos discontate.
Esperamos que te descobra la nuesa riquísima Mitoloxía Llïonesa.
Bibliografía: El imaginario tradicional leonés. Nicolás Bartolomé Pérez, Mitoloxía popular del Reinu de Llión. Nicolás Bartolomé Pérez, Mitos y supersticiones. José A. Balboa de Paz.

Las Xanas ou Janas.

Las Xanas ou Janas.

Las Xanas ou Janas, en dialeutu llïonés oriental la /J/ prenúnciase comu una /H/ aspirida y non comu la /J/ castellana, són seres mitolóxicos pertenecientes del ámbetu ástur-cántabru.

Esisten referencias topográficas esperdigadas pul norete del país llïonés comu Sayambre-Llión,Los Arguellos-Llión, Valporqueru-Llión, etc.

Quiciabes la etimoloxía la Xana ou Jana debamos buscala nela diousa romana Diana.

Aspeutu.

Són duendos fermousos, de llargas garnachas douradas.

Arrodiu.

Se yes puede alcontrar nelas veiras de los riéos, llagos ou fuentes, n’ú escarpenan los sous cabeillos douraos cul sou peinne d’ouru.

Caráuter.

Las Xanas ou Janas solu déixanse vere la nueite de San Xuan, esapaeciendo cunos primeiros rayos de sol. La resta del día y del annu permanecen incultas.

 Image

Illustración de Mauro Sánchez

Dicen las xentes del país llïonés que’l día de San Xuan seta apaecere nel augua un filu de seda ou llinu. El que lu alcuentra debe enroulere tiriendo d’él ensínparare, purque d’aprovecere y tallalu, de las fonduras del augua sentirase la voz la Xana: Enroulere enroulisti, peru nun finesti, si sigieras, desencantábasme y faríate ricu.