Manual de Mitoloxía Llïonesa

Tentamos dare un breve repasu al imaxinariu tradicional llïonés ensín tratare d’aprofundare nin pescudiare nela sua enxendra. Describiremos cun desenfadu cómu yé físicamente y comentaremos n’ú s’esengulve, el sou caráuter y atitú.
La mitoloxía llïonesa de perfil propiu y llariegu yé fruitu l’asimilación y evolución los imaxinarios indouropeos que las xentes llïonesas fuenun tresmitiendo durante siegros. Pur esu nun yé d’estrannare alcuentrare similitues cun personaxes mitolóxicos griegos, exipcios, persas, etc.
Ca presonax portará cunsiéu un lligazón cun tolu que queremos discontate.
Esperamos que te descobra la nuesa riquísima Mitoloxía Llïonesa.
Bibliografía: El imaginario tradicional leonés. Nicolás Bartolomé Pérez, Mitoloxía popular del Reinu de Llión. Nicolás Bartolomé Pérez, Mitos y supersticiones. José A. Balboa de Paz.

Los Mouros

Los Mouros.

Los Mouros son personaxes fantasiosos a los que s’atribuyen antigas costruciones, asina comu, daqués acidentes orográficos rellevantes de la xiografía del País Llïonés.

El sou nome na tien que vere cuna invasión musulmana del siegru VIII, masque, ne dalgunas narraciones, puede llegase a amesturare estos personaxes mitolóxicos cunos musulmanes rïales.

La presencia de los Mouros ta recoyida non solu nel País Llïonés sinon práuticamente ne toda Hespanna, Pertual, Francia y Sicilia.

Estas narraciones cun protagonismu de los Mouros ta mui estendida nel País Llïonés, comu nela contorna de Cabreira-Llión, Villasabariegu-Tierras de Llión, Velillade la Reina-Ribeira del Órbigu-Llión, la contorna de Los Argueyos-Llión, El Talenu- Maragatería-Llión, etc.

Aspeutu.

Pertenecen al bandu de los personaxes míticos xigantes d’aspeutu homanu.

Arrodiu.

Rellaciónase-yes cuna costrución de castros, cuevas ou minas n’ú ponen a recáu l’ouru llográu de las entrannas de la tierra.

Caráuter.

Són grandes costrutores.

 Image

   Illustración de Mauro Sánchez

Dicen las xentes del País Llïonés que ciertos petroglifos pregáos en penas ou piedras, que nelas pruvincias llïonesas de Zamora y LLión se llaman ferraduras, tán feitas pulos Mouros.