Manual de Mitoloxía Llïonesa

Tentamos dare un breve repasu al imaxinariu tradicional llïonés ensín tratare d’aprofundare nin pescudiare nela sua enxendra. Describiremos cun desenfadu cómu yé físicamente y comentaremos n’ú s’esengulve, el sou caráuter y atitú.
La mitoloxía llïonesa de perfil propiu y llariegu yé fruitu l’asimilación y evolución los imaxinarios indouropeos que las xentes llïonesas fuenun tresmitiendo durante siegros. Pur esu nun yé d’estrannare alcuentrare similitues cun personaxes mitolóxicos griegos, exipcios, persas, etc.
Ca presonax portará cunsiéu un lligazón cun tolu que queremos discontate.
Esperamos que te descobra la nuesa riquísima Mitoloxía Llïonesa.
Bibliografía: El imaginario tradicional leonés. Nicolás Bartolomé Pérez, Mitoloxía popular del Reinu de Llión. Nicolás Bartolomé Pérez, Mitos y supersticiones. José A. Balboa de Paz.

El Troneiru

El Troneiru

Ún de los entes mitolóxicos llïoneses más desdibuxaos y poucu connocíu yé El Troneiru. Las xentes llïonesas atribuyen l’estronil provocáu pula truena a l’aición d’esti presonax.

Aspeutu.

La creyencia de que la truena fórmase de xeitu aparentemente golita fizu camentare que El Troneiru yé una creatura que xuga faciendo estronil colpeando unas madrennas los días de nnubre.

Arrodiu.

Comu fenómenu mosféricu rellacionáu cul ceu imaxínaseye sentáu sobro las garatuxas.

Caráuter.

Golitu e inesperáu, tantu que a vegadas preséntase d’improvisu.

 Image

   Illustración de Mauro Sánchez

El temor de las xentes del País Llïonés cun El Troneiru yé purque la sua presencia yé preludiu, más que fácil, de nnubres que puedan zaleare las collechas.