Pallabras rexistradas: 30.510

Manual de Mitoloxía Llïonesa

Tentamos dare un breve repasu al imaxinariu tradicional llïonés ensín tratare d’aprofundare nin pescudiare nela sua enxendra. Describiremos cun desenfadu cómu yé físicamente y comentaremos n’ú s’esengulve, el sou caráuter y atitú.
La mitoloxía llïonesa de perfil propiu y llariegu yé fruitu l’asimilación y evolución los imaxinarios indouropeos que las xentes llïonesas fuenun tresmitiendo durante siegros. Pur esu nun yé d’estrannare alcuentrare similitues cun personaxes mitolóxicos griegos, exipcios, persas, etc.
Ca presonax portará cunsiéu un lligazón cun tolu que queremos discontate.
Esperamos que te descobra la nuesa riquísima Mitoloxía Llïonesa.
Bibliografía: El imaginario tradicional leonés. Nicolás Bartolomé Pérez, Mitoloxía popular del Reinu de Llión. Nicolás Bartolomé Pérez, Mitos y supersticiones. José A. Balboa de Paz.

El Renubeiru

El Renubeiru.

Nelas tierras del País Llïonés el Renubeiru (Reñubeiru, Reñubreiru,Renobreru,Renuberu, Renoberu,Renubero, Riñobero, Nuberu, Regular) yé un duendu que tien embaixu’l sou control las nnubres teniendo la potestá pa dare figa centellas,truenas y chuvia a la sua zuna.

Créyese quela sua enxendra yé la pervivencia de vieyos ritos precristianos.

La espresión llïonesa “tenere facia de Renubeiru” yé empreada pa describire a dalgien que ta mui enfocicáu.

Referenciasdel Renubeiru nel País Llïonés apaecen n’Uña-Benavente-Los Valles-Zamora, Avediellu-Zamora, y sucontornas de La Sobarriba, Los Oteros en Llión, enteoutros.

Aspeutu.

De que al aspeutu del Renubeiru, naide  aconchígasenela sua fisionamía: pa unos yé un naniu disconforme y pa outros yé una especie de xigante.

Esiste la creyencia que’l sou aspeutu yé gadeiyudu y de llargu papiellu fisoriu.

Arrodiu.

Las garatuxas són el sou socuellu.

Caráuter.

Yé un presonax d’acontinuu arrebuzu y mui caprichousu. El sou carácter maléficu yé patén n’ú oucasiona’l mal cunas suas cerracinas, nel intre ne los llugares que se llibran la destrución que dan figa, nun lu yé tantu.

 Image

   Illustración Mauro Sánchez

Dicen las xentes del País Llïonés que’l xeitu d’avitere las aiciones del Renubeiru yé’l tente nnubre enantias el amanecerín, el primer mes de Marciu ou momentos endenantes de la truena peru enxamás durante eilla, pues considerábase escontraproducente, facere círculos cun un rodabiellu y la pala’l fornu, la rezadera a determinaos Santos, en principal a Santa Bárbula, invocare la truena pa qu’escarge nun llugar ermu, prendere velas benditas ou utilizare piedras comu amuletu pa protexere las collechas.