Hora de cocineare
Estu ye pa ti que sigún qué cousas siéntante mal pul tou delicáu paratu dixestivu y p’aqueillos que yes gustaría cocineare y nun s’atreven.
Eiquí esplicarémoste cómu facere platos cenciellos, gustables y atorrantes.
Ripara esto: La cocina y las priesas nun se llavean.
Llombu de pescáu cun cítricos
Nun descobriremos cousa denguna, sinon alcuérdate una receuta cenciella y auta pa toos los púbricos y estógamos.
Defecultá: mínima
Ingredientes pa duas presonas:
· Dos llombos de pescáu ( Merluza ou Bacaláu ) frescu ou conxeláu
· Zugu de naranxa ou llimón ñatural
· Farina
· Sal
· Azaite
N’espianta, a cocineare
Utilizaremos llombos purque asina avitaremos, al másimu, las encómodas y, a vueltas, perigrousas espías.
1. Salgamos el llombu de pescáu pulos dos llaos.
2. Pasamos pur farina los llombos, asina evitamos,cuna farina, que al fritilos espingen azaite.
3. Allugamos los llombos enfarinaos nela paílla cula azaite quente.
4. Damos vez y vez pa sellare* los llombos.
5. Sellaos los llombos, eicharemos pur cima’l zugu del cítricu ellexíu (naranxa ou llimón).
6. Cocinearemos a fuéu llentu, pulos dos llaos, atapercanciare un color douráu.
Ideyas de guarnición: Al llombu de pescáu podémoslu acompangare cun verdura ou pataca al vafu ou cocida, cun un regilete d’azaite ou proveitando'l miesmu moye de cocineare’l llombu.
Emportante. Aprecancia que’l llombu de pescáu reste feitu peru nun enxiutu. Cocineándolu a fuéu llentu ye más fácil percancialu.
Bon proveitu.
Pallabreiru
· Sellare,en gastronomía, ye dourar una vianda de xeitu celerín pa percanciare’l xugu enterior. Amás apurrirános una testura cruxiente nela superficie.